Shillong, Naitung 24 : Ki shipai ka 101 Area, kila ioh ban kem ia uwei u briew uba kam thok ialade kum u Captain ka Assam Regiment bad suba jur ba u dei u riewsyntiat (spy) jong ki Ri ba marjan.
Une u briew u kyrteng u Sar Chehon Rongpi uba kam ialade kum u heh ka 119 TA Assam Unit. Ia une u briew la kem ha ka janmiet jong ka 22 tarik Naitung na CSD Canteen.
Ki shipai 101 ki pyntip ba ha ka jingtohkit ia ka mobile phone jong une u briew, la lap ia shibun ki dur jong ki jingtip kiba kongsan, kynthup ia ki convoy jong ki shipai bad kiwei kiwei ki kot ki sla.
Ha ka jingtohkit, la shem ba u Rongpi ula treikam ha ka thain Arunachal Pradesh bad ula ioh ban rung khlieh hapoh ka len jong ki shipai. Ula ak baroh shikatta kum u Captain ki shipai bad ula leit shakri ha manla ki khyrdop jong ka 101 area Army base.
Ia u Rongpi la aiti noh sha ki Pulit ka Jhalupara Police Station ha ka miet 23 tarik Naitung khlem kano kano ka jingmynsaw. Ki bor khmih ki dang pynlong ia ka jingtohkit shuh shuh ban pynthikna ia ki kam jong u Rongpi ban ai jingtip sha kiwei pat ki ri marjan.
 jong ki Ri ba marjan.){kind=link}