-->

Kem ki Pulit Traffic ia u Nongkhaii droks na Madanrting

Date:

Share post:

Shillong, Jymmang 26 : Ki Pulit Traffic ka Madanrting Police Station, hynne ka sngi Nyngkong, kila ioh kem ia uwei u nongkhaii droks uba dei na Lad Rymbai, East Jaintia Hills bad ioh kurup ia u heroin ba khia 1.95 gram.

U Superintendent of Police ka East Khasi Hills, u iathuh ba hynne ka janmiet por 4 baje, ki Pulit Traffic ka Madanrting katba ki dang talasi ia ki kali arshaka ha Lad Sawlad, kila bat ia kawei ka scooty ML05-Y-7653 namar u nongniah u khlem phong helmet.

Hynrei u iathuh ba une u nongniah ula pyrshang pynban ban phet krad bad ula bret ruh ia kawei ka song plastic napoh ka pla jaket ba u phong hynrei ia une u briew la ioh ban bat da ki Pulit Traffic.  Une u briew u dei uba la tip kyrteng u Nimu Chyrmang ba na Lad Rymbai.

Haba talasi ia kane ka song plastic, la lap pynban ia 109 tylli ki bilor rit (vials) bat hep ia u heroin. Mar kumta hi, kila pyntip noh sha ka ANTF ba kan wan tohkit bad leh ia kaba donkam.

U iathuh ba u heroin bala ioh ban kurup na kine ki bilor u khia haduh 1.95 gram. Ki Pulit kila register case pyrshah ia une u briew ha Madanrting Police Station hapoh ka kyndon 21(a)/27(a) jong ks NDPS Act.

Share post:

-->
spot_img

Popular

More like this
Related

Arunachal Pradesh | Kwah iatreilang u CM bad ka Japan ban kyntiew ia ka kam jngohkai ha NE

Itanagar, Risaw 24: U Myntri Rangbah ka jylla Arunachal...

Kem ka ANTF ia arngut ki snar khaii droks | Kurup bun u heroin

Shillong, Risaw 24 : Ki Pulit Anti Narcotics Task...

Shah ktah jur ka Mawsynram ba khang ia ka khaii pateng ha khappud India-Bangladesh

Shillong, Risaw 23 : Ka jingkhang ia ka iew...

Ka jaka ba jur slap tam ha pyrthei | Ka Rain Museum ha Mawsynram kan khring bha

Shillong, Risaw 23 : Ka jingpyntreikam ia ka Rain...