Shillong, K’lyngkot 23 : Ki Pulit Special Operation Team (SOT) ka East Khasi Hills, hynne ka sngi Palei, kila ioh ban kem ia uwei u briew uba byrngem ban buh bad pynbthei bomb ha kylleng ki jaka ka sor Shillong.
Ia une u briew la tip kyrteng kum u Edward Maiong ba 37 snem ka rta, uba shong bas ah shipor ha Lower New Colony, Laitumkhrah.
Kat kum ka jingiathuh u Superintendent of Police ka EKH Bah Vivek Syiem, ki Pulit hynnin ka janmiet 22 tarik, kila ioh pdiang ia kawei ka ejahar ha Sadar Police Station ba pyntip ba uwei u briew ula ioh pdiang ia ka SMS lyngba ka phone na uwei u nombor bym ithuh, ba byrngem ban buh bun tylli ki bomb ha Sor Shillong.
U iathuh ba ha kane ka SMS, une u briew ula pynithuh ialade ba u dei shibynta na ki dkhot ki runar ka Ri-Bhoi (Ri-Bhoi gang).
Ki Pulit kila register ia ka case ha Shillong Sadar Police Station hapoh ka kyndon 351(4)/353(2)/61(2) bad 113(2)(b) jong ka BNS Act bad ki Pulit SOT ka EKH, mar mar kila pynlong ia ka jingkhynra ha ryngkat ka jingiarap ki Pulit na ka District ba marjan.
U Bah Vivek u iathuh ba hadien ka jingkhynra kaba iaid baroh shimiet ban lap ia une u briew, ka kynhun ki SOT hynne ka sngi kila lap ia ka jingdonkti u Edward Maiong. U iathuh ba ia ka phone ba pyndonkam ban byrngem ia ka jingpynbthei bomb ruh lah ioh ban kurup na une u briew.
Une u Heh Pulit u pyntip ba ia mynta hi yn ym pat lah ban pynthikna ia ka jingdonkti jong une u briew bad ki kynhun kiengatiar namar ki don shibun ki sakhi satar pyrshah ia u.
Ki Pulit kila pynlong ia ka jingtalasi kaba jur ha baroh ki lad ba kongsan hapoh ka sor kynthup ka jingkhynra bad ka jingiaid pahara hapoh ka District ban tehlakam ia kano kano ka jingpyrshang bann pynthut ia ka jingrakhe Republic Day.
Na ka liang une u Heh Pulit ula kyrpad ia ki paidbah ba kin ai ka jingiatreilang bad ba kin pyntip sha ki thanad ba marjan ne ka Police Control Room lada don kano kano ka jingjia ba donkam kyrkieh ia ki Pulit.
/353(2)/61(2) bad 113(2)(b) jong ka BNS Act bad ki Pulit SOT ka EKH, mar mar kila pynlong ia ka jingkhynra ha ryngkat ka jingiarap ki Pulit na ka District ba marjan.U Bah Vivek u iathuh ba hadien ka jingkhynra kaba iaid baroh shimiet ban lap ia une u briew, ka kynhun ki SOT hynne ka sngi kila lap ia ka jingdonkti u Edward Maiong. U iathuh ba ia ka phone ba pyndonkam ban byrngem ia ka jingpynbthei bomb ruh lah ioh ban kurup na une u briew.){kind=link}