Nongpoh, Naitung 01 : Ki Pulit ka Ri-Bhoi District kila ioh kem ia laingut ki snar khaii droks bad ioh kurup haduh 70 synduk sabon u droks ba shongdor haduh T. 5 klur.
Kine ki laingut ki snar khaii droks ki kyrteng u Ronand Kyndiah ba na Lower Mawprem, Shillong, u Daniel Syiem ba na Lower Mawprem, Shillng bad u Thokchom Naba Singh uba dei na Kangmong, Imphal West, Manipur.
Kat kum ka jingiathuh ki Heh Pulit, ha ka 30 tarik Jylliew, ki pulit ka Ri-Bhoi kila ioh ia kawei ka jingtip ba thikna ba laingut ki briew ba kyrteng u Ronand, Daniel bad Naba Singh kila iakynduh ha kawei ka Farm House kaba don ha shnong Lumkeni, Umran, Ri-Bhoi ban ia khaii ia u droks ba bun bah.
Ki Pulit kila pynlong ia ka jingapshrip ha Umsning By-pass, NH-6 ha ryngkat ki Pulit ka Umsning Police Station bad ha kane ka jingapshrip kila ioh ban bat ia kawei ka Alto Rong iong ba don u nombr ML05-K-0314 kaba kit ia 2 ngut ki briew.
KI iathuh ba ha ka jingtohkit, kine ki briew kila iathuh kyrteng ialade kum u Ronand Kyndait bad u Daniel Syiem ba na Shillong. Ki iathuh ba kine ki arngut kila kyntait ban iathuh shano ba buhrieh ia une u droks, kaba la pynbor ia ki Pulit ban set ia ki na ka bynta ban pynlong ia ka jingtohkit.
Ki iathuh ba ha ka jingtohkit, kine ki arngut kila phla ba u Naba Singh uba shalan ia u droks sha ki, ula mih ban leit sha Guwahati bad mar mar la pyntip sha ki Pulit ka Byrnihat Outpost ba kin pynapshrip bad kila ioh ban kem noh ia u.
Ha ka jingtohkit, kine ki laingut kila pynthikna ba u droks ba iamut khaii u dang don hapoh ka farmhouse ha shnong Lumkeni, Umran. Haba ioh jingtip ia kane, ki Pulit ka Ri-Bhoi ha ryngkat ki ksew K9 bad CID kila hiar ban khynra ia kane ka farmhouse bad ki ksew K9 kila lap ia kawei ka synduk ba thep ia une u droks.
Ki Pulit ba haba plie ia kane ka synduk, ki Pulit kila ioh ban kurup haduh 70 synduk samon u powder rong stem ia uba la test ba u dei u heroin. Ka dor jong une u jingdih buaid ka kot haduh T. 5 klur.
Nalor une u droks, ki Pulit kila kurup noh ia ka Alto ML05-K-0314 bad 4 tylli ki mobile phone.
U Myntri Rangbah ka Jylla haba sam ia kane ka khubor lyngba ka twitter, ula ai ka jingiaroh ia ka kynhun ki Pulit,ki ksew K9 bad ki CID.
Pule ruh: Kiew ka jinglum khajna GST haduh 12%, kot T.1,61,497 Klur ka khajna ha u Jylliew
