Shillong, Nailur 27 : Ki Pulit ka East Khasi Hills, kila ioh kem ia u snar nongtuh ka nongbah Shillong, uba ju donkti ha ki kam tuh kam thiem ha kylleng ki shnong ka Nongbah.
Une u nongtuh u kyrteng u Shanbor Wahlang ba ju tip kum u Moolchand. La kem ia u hynne ka sngi Thohdieng da ki Pulit ka Laitumkhrah Police Station.
Kat kum ka jingiathuh u Superintendent of Police ka District, u Shanbor u dei u briew uba la suba donkti hakhmat eh ha ki kam tuh kam thiem ha Shillong naduh u snem 2022.
La pyntip ba u dei uba la thwet bha da ki Pulit halor ki saw tylli ki case bala register hapoh Shillong Sadar Police Station.
Ka jingtohkit ia une u briew kala iaid shakhmat.
