Nongpoh, Risaw 20: Ka kynhun ki Pulit ka Vashisht Police Station jong ka thain Guwahati, hynne ka sngi palei, kala ioh ban kem ia uwei u nongkhaii tuh ia ki masi bad ioh kurup haduh 30 tylli ki masi ba thmu pynpoi sha ki Iew masi ha Meghalaya da kawei ka trok.
Ia kane ka trok ba don u nombor AS01-JC-4322, la ioh ban bat na Baihta Charali bad ki Pulit kila lem ia u nongniah bad la pynngat ia u ha ka case khaii tuh ia ki masi.
Ia une u suba nongkhaii masi la tip kyrteng da u Rajmul Haque. Ki Pulit kila pynlong ia ka jingtohkit kaba bniah ia une u briew hadien bala dep ujor ehejar pyrshah ia u.
