Shillong, Lber 29: Ki Nongshongshnong ka Malki Lum Balang, kila ioh kem ia uwei u briew ba kyrteng u Inamul Haque (25 snem) ha ka janmiet sngi Balang halor ka jingkynnoh ba u jrong kti ia lai ngut ki kynthei, ba kynthup ia 2 ngut ki Khynnah.
Kat kum ka khubor, une u briew u dei u nongshongshnong ka Barpeta, Assam bad u dei uba wan trei bylla ban pynbha ia ka surok ha Malki.
Kat kum ka jingiathuh jong ki bahaiing jong iwei na kine ki kynthei, kane ka jingshah jrong kti kala jia ha ka por ba kine ki kynthei ki dang iaid lynti na ka jaka ba iatrei surok. Ine I Khynnah ila mareh wut wut sha iing bad pyntip ia ki bahaiing halor kane ka jingjia, kiba la pyntip ruh mar mar sha ki Borshnong ka Malki Lum Balang.
Ia une u briew la aiti noh hadien sha ki Pulit ka Laitumkhrah Police Station ba kin leh ia kaba donkam.
Pule lang ia kane: Yn shong jingialang haka 30 tarik u Lber halor ka jingkyrpad ban khmih iaka EVM jong ka Nongkrem Constituency
