Shillong, Nailur 12: Ki Pulit ka West Garo Hills kila ioh ban kem ia lai ngut ki briew na Dobasipara kaba hap hapoh ka sor Tura namar ka jingshem ba ki kit ia u droks ban pyniaid iew ha sor Tura.
Kane ka jingiohkem kala jia ha ka por pynlong ia ka jingkhynra ban kem ia ki Nongkhaii droks. Ki Pulit haba pynlong ia ka jingtalasi kali ha Agipgrenggre, Selsella, kila ioh ban bat ia kawei ka kali Maruti Car ML10-5575 ba shong kine ki lai ngut ki briew.
Ha ka jingtalasi, ki Pulit kila ioh ban kurup ia u drok heroin ba khia 10.22 gram bad ruh ia uwei u kynja powder rong ktieh ba suba brown sugar ba khia haduh 92.54 gram nalor ka pisa ba T.57,500.
Ki Pulit kila kem noh ia kine ki briew kiba la tip kyrteng u Matgrik Ch Marak ban a Dobasipara, Jaksram Ch Marak ba na Daren Agal, Dobasipara, bad u Bringstar Ch Marak ban a Daren Agal, Dobasipara. Ki Pulit kila kurup noh ruh ia ka kali ba ki pyndonkam.
Ia kine ki briew la register case ha Tura kat kum ki kyndon jong ka ain NDPS Act bad ka jingtohkit mynta kala iaid shakhmat.
