Shillong, Nailar 18: Ki Pulit ka Contonment Beat House hynnin ka miet kila ioh kem ia arngut ki Briew ba ishankhmat ha ki thain Them Metor bad ioh kurup ia bunbah u droks.
Ia kine ki briew la ioh kem ha ka por ba dang iaid pahara ha katei ka thain.
Ha ka jingtalasi, ki Pulit da ka jingiarap ka kynhun Anti Narcotics Task Force (ANTF) kila ioh kurup ia saw tylli ki synduk sabon ba thep ia u droks heroin ba khia haduh T. 50.37 gram.
Nalor u droks, ki pulit kila ioh kurup ruh ia ka pisa ba T. 28,050, artylli ki mobile phone bad kawei ka Scooty Aprilla ba don u Nombor ML05X- 5083.
Ki pulit kila register case ia kine ki arngut hapoh ka ky don NDPS Act bad ka jingtohkit mynta kala iaid shakhmat.
