Kem ki Pulit ia 3 ngut kiba leh beijot ia ki Khynnah Kynthei ha SWGH

Date:

Share post:

Tura, Iaiong 23 : Ki Pulit ka South West Garo Hills, kila ioh kem ia lai ngut ki briew kiba suba donkti ha ka jingrahbor bad leh be-ijot ia arngut ki Khynnah Kynthei ha Gandhipara, South West Garo Hills.

Kane ka jingjia shah leh beijot kine ki Khynnah kala jia ha ka 17 tarik Iaiong, 2024 ha ka sngi ba dang long ka Changa Bengal, Mela ha Gandhipara.

Kine ki Khynnah kila iadon bad arngut ki khynnah shynrang hynrei ka kynhun ki runar kiba don hapdeng 12-15 ngut, kila thombor ia kine ki khynnah. La iathuh ba ia ki khynnah shynrang, kila teh da ki ksai juti hashuwa ban leh beijot ia kine ki khynnah kynthei.

Ki Pulit ka Jylla kila register case ia kane ka jingjia ha Ampati Police Station hapoh ka POCSO Act.

Ki Pulit ka South West Garo Hills kila thaw ruh ia ka kynhun Special Investigation Team (SIT) ban tohkit ia kane ka jingjia.

Kat kum ka khubor Pulit la iathuh ba ka jingtohkit kala iaid shaid shaid ia kine ki laingut bad kin sa nang kem shuh shuh ia ki briew kiba donkti.

Share post:

spot_img

Popular

More like this
Related

Kynjah jar ki Iew ha Shillong ba khang lut ki dukan ban sngewlem ia ki lanot Pahalgam

Shillong, Iaiong 28 : Ka Iew ka hat ha...

Pyrshah ki longkmie Congress ba pynbna khang dukan ka BMT ha Iewduh

Shillong, Iaiong 28: Ka Meghalaya Pradesh Mahila Congress ka...

Manipur | Kem ki shipai ia 16 ngut ki ehrang kaikhlaw | Kurup bun ki tiar siat bad ki bomb

Imphal, Iaiong 28: Ha ka jingialeh ban pynduh jait...

Pynslem ka iakajia jaka ban seng ia ka Captain Williamson Sangma State University ha Shillong

Shillong, Iaiong 28 : Ka Captain Williamson Sangma State...