Shillong, Iaiong 23: Ka Sorkar Jylla haduh mynta kan dang ban thung ia u Vice Chancellor ka Captain Williamson Sangma State University
“Ngim pat lah ban thung vice chancellor namar dang don ka ilekshon hynrei baroh ki jingdonkam kila jan dep” la ong u Myntri ka tnat Pule u Rakkam A Sangma.
U Rakkam ula ong ba iaka jingthung vice chancellor yn sa pyndep hadien ba kut noh ka jingtreikam ka model code of conduct (MCC).
Haka jubab haka dorbar mang tyngka haka 21 tarik Rymphang 2024, u Rakkam ula pyntip ba ka Sorkar ka dang thmu ban pyntreikam noh iaka state university naduh une u snem hynrei namar ka ilekshon Lok Sabha ka university kan sdang treikam beit naduh 2025.
Ula pyntip ruh baka Sorkar ka dang pynkhreh ban Sanctioning 100 tylli ki post nonghikai hapoh ka Tura bad 6 tylli ha Shillong campus.
Katkum ka jingong u Myntri, ka jinglut ka lah ban kot palat T. 45.7 klur man u snem.
Haduh mynta la pynlut T.16.96 klur naka bynta ban tei iaki jingtei jong ka State University.
Ka jingtei iaka Administrative Block, ka Academic Block, ka Hostel naka bynta ki shynrang bad kynthei la pyndep.
Haduh mynta la mang 58 tylli ki post kynthup vice chancellor bad registrar bad ula ong ruh ba la mang ruh ban tei surok bad ka um pynpoi shaka skulbah.
Iaka Board of Governors la dep ban thaw bad ka jingialang ba nyngkong eh jong ka Board of Governor meeting la pynlong haka 14 tarik Kyllalyngkot 2022 da u Myntri ka tnat Pule.
