Shillong, Iaiong 23: Ka Department of Botany, Sankardev College, Department of Biotechnology & Bioinformatics bad ka Department of Basic Sciences and Social Sciences, jongka North Eastern Hill University (NEHU), Shillong, kila pynlong iaka Workshop ha ka sngi Nyngong halor ka mat “Introductory Biotechnology and Bioinformatics”.
U Dr Hiranjit Choudhury, Associate Professor jongka Department of Basic Sciences, NEHU ula ong, ka jingthmu ban pynlong ia kane ka Workshop ka long ban pynsngewthuh ia ki samla pule kiba pule ha ki kyrdan kiba heh ha ka Biotechnology bad Bioinformatics.
Dr. Atanu Bhattacharjee, Head and Associate Professor, Department of Biotechnology & Bioinformatics, NEHU, ula kren shaphang ka Bioinformatics bad ula batai bniah shaphang ka Data Mining, Application of Biotechnology ha ki mrad, genome/gene sequencing, molecular medicines, personalized medicine, gene therapy, Artificial intelligence, microbial genome application, evolutionary studies, bad antibiotic resistance.
U Dr Hiranjit Choudhury, Associate Professor, ula kren halor ka Application Biotechnology – red, green, blue, white/grey, Environmental Biotechnology, Transgenic Plants kiba kynthup ia ka Bt cotton, Golden rice, Flavr savr tomato, ka jingpynmih bun ia ki jingthung kiba phylla bad ki jingthung kiba kongsan lyngba ka Tissue Culture bad Bio Refineries.
Kala don ka jingai jinghikai ia ki samla pule ha kiarbynta, kata kaba nyngkong lah ai jinghikai halor ka Bioinformatics – PDB data banking, ia kaba la iarap da ki nonghikai bad ki Research Scholar na ka Department of Biotechnology & Bioinformatics, NEHU.
Hadien kane la ai jinghikai ha kaba iadei bad ki jingthung lyngba ka Tissue Culture bad Molecular Biology ia kaba la iarap da ki nonghikai bad ki Research Scholar jongka Department of Basic Sciences & Social Sciences, NEHU.
Ha katei ka workshop la wan ban iashimbynta da ki samla pule jong ka Sankardev College, ki samla pule na ki tnad bapher jongka NEHU, ki Research Scholars bad kiwei kiwei.
