Shillong, Nailar 01: Ki Pulit ka Nongbah Shillong hynnin ka sngi U Blei, kila kem ia arngut ki samla halor ka jingknieh jynthet ia ka mobile phone na ka kti jong kawei ka longkmie hapoh ka Nongbah.
Kine ki arngut ki dei kiba la tip kyrteng u Othaniel Marbiang ba 19 snem na Nongthymmai Rngi Neng bad u Govind Singh ba 20 snem na Demthring Block-1, ong u Superintendent of Police ka East Khasi Hills Bah S. Nongtnger.
Kine ki arngut kila knieh ia kane ka mobile phone najrong ka thuk thuk ba dang iaid. Ine I Longkmie ba shah knieh ka phone I dei I Kong Jennyta Swer uba dang don ha lynti na Law-U-Sib sha Madanrting. Kane ka jingjia kala jia ha ka 30 tarik u Naitung.
Haba nyngkong, kine ki arngut kila sangeh bad pan ia ka mobile na ine I longkmie ban ioh phone bad dei haba ila kyntait ban ai, ba kila shu knieh jynthet.
Ia kane ka jingjia la register case ha Madanrting Police Station bad kila ioh kem hynnin ka sngi u Blei ia kine ki arngut na ka thain Mawblei hadien ka jingthwet ban iohkem ia ki.
Ki Pulit kila kurup noh ruh ia ka thuk thuk Yamaha ba dang thymmai kaba dang don da u nombor ba shipor MT.15(Y2) lem bad ka phone phone ba kila knieh na ine I longkmie.
