Shillong, Naitung 02 : Ki Pulit ka Phulbari Police Station kila ioh kem ia arngut ki nongkhaii ganja bad ioh kurup haduh 700 gram une u jingdih buaid lem bad ka pisa ba T. 67 hajar.
Kat kum ka jingpyntip ki Pulit, ka kynhun ki Pulit halor ka jingioh khubor, kila pynlong ia ka jingkhynra ha ka iingsah uwei u briew ba kyrteng u Fozidur Islam ha Khaprabari ha ka 1 tarik Nailar bad ha kane ka jingkhynra kila ioh kurup haduh 227 gram u ganja.
KI iathuh ba kane ka kynhun kala ioh kem ia u Fozidur bad da ka jingialam lynti jong u, ki Pulit kila leit khynra sa ia ka iingsah jong uwei pat u briew ba kyrteng u Mominur Islam bad nangne ruh kila ioh kurup haduh 472 gram u ganja.
Na kine ki arngut, ki pulit kila ioh kurup haduh 700 gram u ganja, ka pisa ba T. 66,970, artylli ki mobile phone bad ka SBI ATM Card.
Ia kine ki arngut la register case ha Phulbari Police Station bad la pynngat ia ki hapoh ka kyndon 20(b)(ii)(A)/25/29, NDPS Act, 1985.
