spot_img

Kem ki Pulit ia 2 ngut ki Nongkhaii droks na EJH

Date:

Share post:

Shillong, Naitung 03: Ki Pulit ka East Jaintia Hills kila ioh ban kem biang sa arngut ki nongkhaii droks bad kurup ia bun bah u droks ha ka jingpynap shrip hynnin ka sngi ha Umtyra.

U Superintendent of Police ka District u Jagpal Singh Dhanao ula iathuh ba ki Pulit kila ioh ia ka jingtip kaba bniah ia ka jingwanrah ia u droks naka phang Silchar sha Shillong bad kumta kila buh ia ka jaka talasi ha Umtyra Check Point ban talasi ia ki kali.

Une u Heh Pulit u pyntip ba ha kane ka jingtalasi, artylli ki kali saw shaka ki la wan na Silchar bad haba iohi ia ka jingtalasi kali ki Pulit, kine ki kali kila pyrshang ban phet da kaba shu niah dadien.

Ki Pulit haba iohi ia kane, kila behthong bad kila ioh ban bat ia kine ki kali bad ioh ruh ban kurup ia u droks.

Kine ki arngut ki briew ba shah kem ki kyrteng u Pynhoi Nongtdu ba 35 snem na Pohshnong Nartiang bad u Banteilang Mynsong na Pdengshnong, Mawryngkneng. Ia kine ki arngut la kem na kawei ka Maruti Dezire kaba don u nombor ML05-N-9889.

Ha ka jingtalasi ia ka kali, ki Pulit kila ioh ban kurup ia u droks heroin ba khia 326 gram bad artylli ki mobile.

Kawei pat ka kali Maruti Dezire ba don u nombor AS-11-T-1645 la lap ba la ieh ha surok kaba dang hap hapoh ka jingkhmih ka Khliehriat Police Station bad na kane ka kali, ki Pulit kila ioh kurup haduh13 tylli ki synduk sikret.

“Ngi dang thwet mynta ia ki briew ba shong ha kane ka kali” ong u SP uba iathuh ba kane ka jingkhynra ka dei kaba la leh lang da ki Pulit ka ANTF ka EJH hapoh ka jingialam u DSP Bidhan Bhattacharjee bad ki Pulit Infiltration jong ka Umtyra CP.

Ki Pulit kila register case la la ka jong halor kine ki jingjia ha Khliehriat Police Station.

Share post:

spot_img
spot_img

Popular

More like this
Related

Hukum ka Iingkashari ia ka sorkar ban pynbteng shuwa ia ka hukum halor ka kam Aadhaar

Shillong, Nailar 31 : Ka Iingkashari Meghalaya High Court...

Kyrpad ka High Court ia ka SC ban ialad tian bishar hi ia ka PIL halor ki ksew iaid wir

Shillong, Nailar 31 : Ka Iingkashari Meghalaya High Court...

Kem ki Pulit Ri-Bhoi ia u Pulit Assam ba thmu leh beijot ia i Khynnah

Nongpoh, Nailar 30 : Ki Pulit ka Ri-Bhoi District,...

Assam | Pyntip u CM ba pynphai biang ia ki nong Bangladesh kat kum ka Immigrant Expulsion Act

Guwahati, Nailar 30: U Myntri Rangbah ka jylla Assam...