Mih ka Jaiaw Pyllun ban pahara ba jur ki kam shah shoh klep ia ki bar Jylla

Date:

Share post:

Shillong Naitung 03: Ka Dorbar Pyllun Jaïaw ryngkat ki samla shnong bad ki sengbhalang ha ka miet jong ka 2 tarik u Naitung kila pynlong iaka jingïaid shnong, hadien ba kila don ki jingjia ba ki bar jylla kila shah shoh klep ha ki riewshim kabu, kaba la pynthohbria iaka shnong Jaïaw baroh kawei.

“Ka jingïaid shnong ka jong ngi ryngkat ka jingiasnohkti lang ki samla bad ki sengbhalang kiba don Unit ha Jaïaw, kadei hadien ba kila mih ki jingthombor bad ki jingshoh pynmynsaw ïa ki briew kiba ïaid lynti khlem kano kano ka daw kiba la jia ha kine ki khyndiat sngi” ong u Chairman jong ka Dorbar Shnong Jaïaw Pyllun u Bah Pyntngen Dondor Nongrum.

U la ong, ka Dorbar Shnong Jaïaw Pyllun ka pynrem jur ia ki kam thombor la kadei kaba shoh pynmynsaw ne pyndkoh, ka long kaei kaei kaba ka shnong ka thaw bad ka imlang sahlang hi baroh kawei kan ym lah ban pdiang satia ia kine ki kam thombor ia ki briew kiba lui-lui.

“Ym lah ban buhrieh ia ka jingshisha, ba ha kine ki khyndiat bnai kiba la dep, ka jingiashoh ia ki briew hapoh u pud u sam u jong ngi kala long khari-khari bad kam dei kaba la jia tang ia ki khynnah kiba wan pule na Kerela hynrei wat haka 29 tarik ruh kala don ka jingiashoh iaki briew ha Umpohliew bad kane kala pynbudnam iaka shnong bad ngi la don ka jingkynnoh ba ki pulit kim shim la iohkem ia kitei kiba donkti, hynrei ngi sngewkmen ba ki pulit kila ioh kem ia ki khynnah kiba la donkti ha ka kam thombor” ong u Bah Nongrum.

U la iathuh, ka Dorbar Pyllun kala dep pynbeit ban ïaid shnong naduh ka 18 tarik u Jylliew hynrei na ki daw ki bym lah kiar kim shym la iohlad ban iaid shnong, kumta ki la ioh ban sdang ia ka jingiaid shnong ha katei ka miet bad kin iai bteng ban iaid shnong ban wanrah iaka shongsuk shongshngaiñ.

Ha katei ka miet, la sakhi ruh ia ka Seng Kynthei Jaïaw Langsning bad Jaïaw Pdeng kiba la iaid shnong da ka jingthmu ban khanglad ia ki riewshimkabu ban leh ia kino kino ki kam sniew ban pynthohbria ia ka shnong Jaïaw.

Ka Dorbar Shnong Jaïaw Pyllun kala pynpaw ruh iaka jingsngewkhia halor ka jingsdang jong ki riewshimkabu ban pynlong ia ki surok ha Jaïaw bad ha kiwei kiwei ki jaka, kum ki jaka dih jaka bam.

“Ka jingdih bad jingkhaii drok ka long kaba i shyrkhei bha namar kam buh tang haka jingma iaka shnong ka thaw hynrei iaka jaidbynriew baroh kawei bad ka long kaba donkam ban ia trei shitom ban rat dyngkhong ia u drok” ong u Bah Nongrum.

U la ong, ym dei tang ha Jaïaw hynrei wat ha ki jaka kiba dum kum ha Wahumkhrah ka bym don shnong don thaw, bun ki kali ki ïeng haka por miet, kumta kum ki bor pynïaid shnong kin sa iakren bad ki bor pulit ba kin ïaid pahara ha ki jaka ki bym don shnong don thaw kaba ka jingsniew ka jyllei bha khamtam eh ha Lum Jingtep Lawmali kaba dei ka jaka kaba iadie iathied ia u drok.

Share post:

spot_img

Popular

More like this
Related

IED explosion rocks Jiribam, no casualties reported

Imphal, Mar 29: Ahead of Lok Sabha elections, a...

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...