Shillong, Nohprah 23 : Ka kynhun ki Pulit EGPD ka Basistha Police Station, kila ioh kem ia arngut ki nong khaii ganja na Meghalaya bad ioh kurup ia u ganja ba khia haduh 30 kilo.
Ia kine ki arngut la ioh kem na kawei ka kali maruti Alto ML10-C-7573 ha Jorabat Naka. Kine ki arngut ki kyrteng u Pyndap Bing ba 29 snem na Ri-Bhoi bad u Donbok Mawlong ba 32 snem na East Khasi Hills.
Ia kane ka kali bad u ganja la kurup noh da ki Pulit kiba la register case pyrshah ia kine ki arngut. Ka jingtohkit mynta ia kine ki briew ka dang iaid shakhmat.
