Shillong, Nailar 29: Ki Pulit ka Boko hynne ka sngi Palei, ki la kem ïa 2 ngut ki nongkhaii drok na Rajapara kaba dang hap hapoh ka Boko Police Station ba kynthup ia uwei u nong Meghalaya uba dei na Ri-lum Garo.
Kat kum ka jingiathuh u Officer in-Charge ka Boko PS, u Phanindra Nath u la ïathuh ba u ASP ka Kamrup Kalyan Pathak ula bthha ia u ban pynlong ia ka jingkhynra halor ka jingioh jingtip shaphang kine ki nongkhaii droks.
Ha kane ka jingkhynra, ki Pulit ki la ioh ban kurup ia droks ba khia 120 gram ba la thep ha ki 10 tylli ki Packet. La iathuh ba une u drok u shongdor ym duna iaka T.4 lak.
Ki Pulit ki la ioh kurup ruh ia kawei ka Honda SP 125 ba don ia u Number AS 18H 2726 ba la pyndonkam ban khaii drok.
Kine 2 ngut ba shah kem ki kynthup u Khandakar Akram Hussain (36 snem) na Mahendrahanj South West Garo Hills Meghalaya bad u Shahajul Haque (26 snem) na Boguwan Goalpara District Assam.
