Shillong, Nohprah 13: Ki shipai Border Security Force (BSF) ha ka sngi Thohdieng kila iohkem ia uwei u nong Bangladesh najan ka Anjali Petrol Pump kaba don ha ka nongbah Shillong.
Halor ki jingtohkit, ki BSF kila lap ba une u briew u kyrteng u Munna Islam, 20 snem ka rta uba dei na ka shnong Kashpur, Narayanganj, Bangladesh. Ula phla ruh ba ula shu rung tuh shapoh ka ri India ha u Nailar 2024 hadien ba mih ka huri hura bad ka kynrum kynram hapoh ka ri Bangladesh da ka jingthmu ban ioh ia ka kam ban trei hapoh ka ri India.
Ia une u nong Bangladesh la aiti noh sha ki pulit jong ka Kench’s Trace Beat House, Shillong bad hadien bala pyndep bad khmih bniah ia ka koit ka khiah, yn sa pyndep ia ki kam baroh katkum ka lynti jong ka aiñ.
Ha kawei pat ka jingkhynra kaba la pynlong ha Baghmara, South Garo Hills bad ha Dawki,East Khasi Hills, ki shipai BSF kila ioh ban pynpulom noh ia ka jingthmu ban khaii tuh ia ki tiar ki tar sha ri Bangladesh.
Kila pyntip ba ka jingioh kurup ia ki mar ki mata kiba kot sha ka T.3.74 lak, kiba kynthup ia ki dohkha, phlas um, ki nep, rynsun, biri bad kiwei kiwei ki marbam mardih.
 ha ka sngi Thohdieng kila iohkem ia uwei u nong Bangladesh najan ka Anjali Petrol Pump kaba don ha ka nongbah Shillong.){kind=link}