Tura, Naitung 30 : U Myntri Rangbah ka Jylla Conrad K Sangma ha ka sngi Palei, ula aiti ia ki kot pata long trai ia ki jaka sha ki nongshongshnong ka Chinap A’slangha Tura, kaba pynkut noh ia ka jingsngew bym thikna jong ki longiing kiba la im khlem ka kyrteng long trai ha ka jaka ba ki sah.
Pleased to hand over land pattas to families of Chinap A’slang, marking an important step in resolving the decades-long issue of GAD land occupation in the Tura Town area.
Families who received the document can find security especially in availing loans, necessary… pic.twitter.com/gAT7VQ6URV
— Conrad K Sangma (@SangmaConrad) July 30, 2026
Ki nongioh bynta, kiba bun kila iaksaid ban ioh ia ki skhim jingmyntoi ka Sorkar, ki ram na ki bank, ka bording elektrik bad ka jingtan um, namar ka jingbym don ia ki pata, kila pynpaw ba kane ka sienjam ka dei ka jingpynioh pat ia ka burom ia ki bad ka jingshngain ha ka imlang sahlang.
Haba kren ha ka jingialang ha Chinap A’slang Community Hall, u Conrad ula ong ba kine ki kot pata kin pynkut noh ia ka jingsngew bym shngain jong ki longiing kiba la im da ki snem khlem ka kyrteng long trai ia ka jaka.
“Na ka bynta ki longiing kiba ioh ia ki kot pata hynne ka janmiet, ka jingsheptieng bad ka jingbym shngain kan kut noh mynta ka sngi” ula ong.
U Myntri Rangbah ula ong ba ka prokram ban pynbeit ia ka jinglong trai ia ka jaka ha Tura ka kynthup haduh 754 tylli ki longiing kiba don ha ki phra tylli ki shnong. Ula pynpaw ba watla tang 42 tylli ki longiing kila siew ia ka bai lutksan hashuwa ka jingsdang jong kane ka prokram ha u Nohprah 2025, ka nombor kala kiew mynta sha ka 210, da ka jingdep ban sam haduh 127 tylli ki kot pata.
Ha Chinap A’slang, 25 na ki 93 tylli ki longiing ba dei hok, kila ioh ia ki kot pata hadien ba kila pyndep ia baroh ki jingdon kam.
U Conrad ula ain am ia ka Chinal A’slang Development Committee namar ka jingiatreikam bha bad ka Sorkar bad ki bor district bad kular ia ki nongshongshnong ba kan nym don ka jingpynjari ia ka jingpyndonkam ia ki jaka khlem ka jingbit na ka shnong.
