Shillong, Nohprah 03 : Ki shipai BSF ka 193 Battalion kila ioh ban kem ia 4 ngut ki nong India (Khasi) kiba donkti ha ki kam khaii be-ain ia ka shini sha Bangladesh.
Ia kine ki briew la ioh kem na khappud ka East Khasi Hills ha ka jingkhynra hynne ka sngi Ba-ar. Ia kine ki briew la kem na ki artylli ki trok bad ioh kurup ia ka shini kaba shongdor haduh T.10 lak.
Kine ki trok ki dei kiba don u nombor ML12-3843 bad ML05-AD-3614.
Ia kine ki briew, ki kali bad ia ki shini la aiti noh sha ka Tnad Custom ha Dangar ba kan tohkit bad leh ia kaba donkam.
