-->

Rakhe ka Jylla ia ka Sngi ki briew ba duna dkhot met | Sam u Lat bad u Myntri ia ki shuki ba kyrpang

Date:

Share post:

Shillong Nohprah 03: U Lat ka jylla u CH Vijayashankar ryngkat bad u Myntri ka Tnad Social Welfare u Bah Paul Lyngdoh, hynne ka sngi Baar kila sam ia ki shuki kiba la shna kyrpang ia ki briew bym lah ban iaid (cerebral palsy adaptive chairs) sha ki briew kiba don jingduna ha ki dkhot met, ha ka jingrakhe iaka International Day of Persons with Disabilities 2024 ha ka “EMPOWERFEST 2.0” kaba la pynlong ha Soso Tham Auditorium, Shillong.

Ia kane ka jingrakhe la pynlong da ka tnad Social Welfare ka sorkar jylla ryngkat ka jingiatreilang bad ka State Resource Centre on Disability Affairs, ha kaba la pyni ia ka jingtrei shitom na ka bynta ban thaw ia kaimlang sahlang naka bynta jong baroh lang.

Haba kren ha ka jingialang u Lat ula iaroh ia ka jingtrei shitom ha kabn sei ia ki buit treikam kum ka ‘Adaptive Seating Initiative’ ha kaba la shna kyrpang ia ki shuki bad la ai sngewbha sha ki briew kiba don jingduna ha ka dkhot met da ka jingiatreilang hapdeng jong ka Commissioner for Persons with Disabilities, ka Meghalaya State Skill Development Society bad ka State Resource Centre on Disability Affairs.

U Lat ula banjur ia ka jingkongsan ban weng ia ki mawjynthud ha ka jingling ka met ka phad bad ha kai mlang sahlang ban pynthikna ba ki briew kiba don jingduna ha ka dkhot met kin lah ban pynurlong ia ka jinglah ka jongki.

Ha kane ka sngi la sdang ruh ia ka Meghalaya Sign Bank App kaba lai bad ka jingsam ia ki shuki kiba kyrpang kaba pyni ba ka jylla Meghalaya ka ialeh ban pynbiang ia ka lad pyniasoh bad ka jingpyndonkam ia ki kor teknoloji na ka bynta ki briew kiba don jingduna ha ka dkhot met.

Nalor kane, la pynkup burom ruh ia ki nongjop ha ki jingiakob ha ka EMPOWERFEST 2.0 halor ka jingdon ia ka sap ka phong bad ia ka jingnoh synniang.

Share post:

-->
spot_img

Popular

More like this
Related

Mynjur ka Sorkar ban pynkynriah ia ka jaka ban pyntreikam ia ka project thung shynrai Lakadong

Shillong, Naiwieng 19: Ka Kynhun Myntri ha ka Sngi...

Thung ka Sorkar ia u Shakil Ahammed kum u Chief Commission ka MSPSDC

Shillong, Naiwieng 19 : U Chief Secretary ban sa...

Mynjur ka Sorkar ia ki service rule thymmai ka Health Deptt ban pynkut ia ka Ad-hoc promotion

Shillong, Naiwieng 19 : Ka Kynhun Myntri ka Sorkar...