Guwahati, Jymmang 5: Ka Central Bureau of Investigation (CBI) ka la kem ia arngut ki briew — u Prayas Chakravorty uba dei u Deputy General Manager jong ka Oil India Limited (OIL) ha Duliajan, Assam bad u Jyoti Kumar Singh uba dei u DGM (Sales & Marketing) ha Noida-namar ka jingdawa bad pdiang ia ka pisa ba T.7 lak.
Ia kane ka jingkem la leh hadien ka case ba la register da ka CBI, ha ka 3tarik Naitung, 2025, pyrshah ia ki saw ngut ki nongshah kynnoh ba kynthup ia u Chakravorty, Singh, Kunal Gupta (Managing Director jong ka United Drilling Tools Ltd), katei ka kompeni hi, bad u nongtrei sorkar u bym lah ban tip kyrteng.
Ka jingujor ka la kynnoh ba une u Nongtrei Sorkar, ha ka jingiatreilang bad ki nongpyniaid jong ki kompeni, u la pan pisa kum ka jingpynleh sted ia ki work order bad pyllait kloi ia ka jingsiew- ka buit kaba la wanrah ia ka jingduhnong kaba khraw ia ka pla tyngka ka Sorkar Pdeng.
Katkum ka jingong jong ka CBI, une u nongtrei sorkar ba shah kynnoh, ha kaba sdang u la dawa 70 gram ki jingdeng ksiar — katto katne na ka bynta ialade bad katto katne la kynnoh ba la thmu ban ai sha kiwei pat ki heh sorkar — kum ka jingsiew kylliang ban ai kontrak. Haba u heh jong ka kompeni u la kdew ïa ki jingeh ban ïoh ïa ka ksiar, ha ka jaka kata u la mynjur ban pynpoi T.7 lak da ka pisa.
Ha ka jingtohkit, la lap ba u MD jong katei ka kompeni shimet, u la pynbeit ia katei ka pisa ban siew, ia kaba la aiti ha u Chakravorty. Ha kajuh ka sngi, utei u nongtrei sorkar, u la pyndonkam ia ka bynta jong ka pisa — T.3.73 lak — ban thied ia ki pisa khutia da ka ksiar na kawei ka dukan ha Noida, katba ia kaba sah T.3.34 lak u la rah sha la iing.
Ka CBI ka la pynap shrip wut wut bad kala ioh ban kem pyllein pyllein ia u Chakravorty ryngkat bad ka pisa bad ki kot ki sla thied ksiar ki bym shym la khein jingkhein ha ka kti jong u. Hadien kata la kem ïa u Chakravorty bad ia u Singh bad yn sa ialam tian bishar ia ki hakhmat ka ïingbishar ba kyrpang jong ka CBI ha Ghaziabad ha ka 5tarik Naitung 2025.
 ka la kem ia arngut ki briew — u Prayas Chakravorty uba dei u Deputy General Manager jong ka Oil India Limited (OIL) ha Duliajan, Assam bad u Jyoti Kumar Singh uba dei u DGM (Sales & Marketing) ha Noida-namar ka jingdawa bad pdiang ia ka pisa ba T.7 lak.){kind=link}