Shillong, Naiwieng 16: Ki Pulit Anti Narcotics Task Force (ANTF) ka East Jaintia Hills, kila iohkem ia arngut ki nongkhaii droks bad kurup bun bah u drok heroin ba shongdor haduh T 18 lak.
Kine ki arngut ki kyrteng u Manoj Muksor ba 23 snem uba dei na Mihmyntdu, Jowai bad u Vicky Dkhar ba 26 snem uba dei hi na Mihmyntdu, Jowai.
Ia kine ki nongkhaii droks la iohkem hynnin ka janmiet sngi Balang hadien ka jingpynap shrip kaba la pynlong halor ka jingioh khubor ia ka jingdon u nongkhaii droks (Manoj Muksor) uba wan na Silchar sha Khliehriat ryngkat bad u droks.
Ki Pulit kila pynieng ia ka khyrdop talasi ha surok NH-06 ha Nongsning bad ha ka por 5:30 baje, kila ioh bat ia kawei ka local taxi ML-11-3594 ba don arngut ki briew bad u nongniah bad ha ka jingtohkit, la shem ba uwei na kine ki briew u dei uba suba khaii droks.
Ki Pulit kila talasi ia ki tiar ki tar jong kine briew ha ka jingiadon ryngkat ki sakhi shimet bad na ka pla jong u Manoj Muksor, la ioh ban kurup ia artylli ki synduk sabon ba don u powder rong stem, uba khia haduh 21 gram.
Ki iathuh ba na kawei pat ka pla jong u Vicky Dkhar, ki Pulitkila ioh kurup ia 34 tylli ki tyndong plastic bar it (vials) ba don u powder rong stem bad ba khia 1.03 gram.
Ki Pulit kila kem noh ia kine ki briew bad kila kurup noh ia u heroin, nalor ki 2 tylli ki mobile phone bad artylli ki pla.
 ka East Jaintia Hills, kila iohkem ia arngut ki nongkhaii droks bad kurup bun bah u drok heroin ba shongdor haduh T 18 lak.){kind=link}