Guwahati, Naiwieng 16: Ka Trinamool Congress kala dawa ban weng noh ia u Gulab Chand Kataria kum u Lat ka Jylla Assam namar ka jingiashimbynta ha ka rally ialap elekshon jong ka BJP ha Rajasthan.
U Nongialam ka TMC Ripun Bora ula dawa ban weng noh mardor ia u Gulab Chand kum u Lat ka Jylla haba khein ruh ia kane ka jingleh u Lat kum ka ‘jingjah burom’
“U Lat ka Assam Gulab Chand Kataria ula bunkam ban ialap elekshon ia ka BJP ha Udaipur, Rajasthan. Kane ka dei ka jingtynjuh ia ka riti synshar paidbah bad ka Election Commission of India (ECI) ka dei ban leh eiei pyrshah ia u” ong u Ripun Bora.
U Bora ula ong “Kum u Khlieh ka Riti Synshar Synshar, kum u Nongsumar ia ka Riti Synshar, u Lat u dei ban long u briew bym iashah liang bad um dei ban kyrshan ia kano kano ka seng sain pyrthei. Hynrei mynta ha India, namar ka jingiashah ia ka Sorkar, la ka dei u Gulab Chand Kataria neu Dr Numal Momin, kila shu bunkam ban ialap elekshon ia ka BJP. Ka Sorkar BJP kala pyni biang sa shisien ba kala pyndonkam bakla ia ka Bor bad synshar be-riti ia ka Ri India”.
