Shillong, Risaw 27 : Ki Pulit ka Anti Narcotics Task Force (ANTF) ka East Khasi Hills, kila ioh ban kem hynne ka step sngi Palei ia kawei ka Kynthei ba 46 snem, kaba khaii droks ha Nongbah Shillong.
Ia kane ka briew la kem ha ka jingkhynra hapdeng ka ANTF ka East Khasi Hills bad East Jaintia Hills hadien ka jingioh jingtip ba ka don ha ka thain Lumsohphoh, pyntip u Superintendent of Police (City) ka East Khasi Hills Bah Vivek Syiem.
Une u Heh Pulit u pyntip ba na kane ka briew, ka ANTF kala ioh ban kurup haduh 3 synduk sabon u droks heroin ba khia 29.05 gram, artylli ki mobile phone, 10 tin golden ba don ia ki phngit heroin.
Ia kane ka briew la register case ha Laitumkhrah Police Station bad la pynngat ia ka hapoh ka kyndon jong ka NDPS Act.
