Shillong, Risaw 27: U Myntri Rangbah ka jylla u Conrad K Sangma u badei ruh u National President ka National People’s Party (NPP) ula ong ba ka party kan ai Ticket ia u/ka kyrtong kiba thikna ban ioh ia ka jingjop haka ilekshon 2023.
Haba kren sha ki lad pathai khubor u Conrad ula ong ba ka jingpynkhreh iaka ilekshon kala iaid shaid shaid bad naka liang ka NPP kan ai Ticket ia u/ka kyrtong ba trei naka bynta ka party naka bynta ki paidbah bad ba thikna ban wanrah jingjop haka ilekshon.
U Conrad ula iathuh ba haduh mynta ka NPP kam pat rai iaki kyrteng jong ki kyrtong naka bynta ka ilekshon 2023, hynrei kala sdang ban ithuh pat iano yn ai ticket bad iano yn pynduh hynrei iaka rai ba khatduh yn shim haka por ba biang.
“Ym dei ban khein sting iaka ilekshon ne iaki kyrtong namar baroh ki kyrtong na ki sengsain pyrthei bapher bapher ki trei shitom ban jop bad naka liang ka NPP ruh kan bthah iaki kyrtong ban trei shitom naka bynta ban ioh jingjop haka ilekshon 2023″ la ong u Conrad.
Haba kylli ki don ne em na ki MLA ba mynta baka party ka thmu pynduh Ticket, naka liang u Conrad ula ong ba haduh mynta ym pat lah rai namar wat iaka tarik ilekshon ha Meghalaya ruh ym pat pynbna.
“Ap haduh ban da pynbna iaka tarik ilekshon bad hadien kane yn sa lah ban tip mano ban ioh Ticket bad mano ban duh Ticket naka NPP” ula ong.
