Shillong, Risaw 23 : Ki Pulit Anti Narcotics Task Force (ANTF) ka East Khasi Hills, kila ioh ban kem ia 4 ngut ki snar nongkhaii droks ba kynthup ia 3 ngut ki kynthei na ka thain Umsohsun, kaba hap hapoh ka Sadar Police Station.
Kine ki briew ki kyrteng u Suraj Masih ba 26 snem, ka Altima Khatun ba 27 snem, ka Gulasha Begum ba 30 snem bad ka Jumila Khatun ba 28 snem.
Na kine ki briew, ka ANTF kala ioh kurup haduh 19.4 gram u heroin ba thep ha ki artylli ki synduk sabon, san tylli ki mobile phone bad ka pisa ba T. 81,610.
Ki Pulit kila register case ia kine ki briew ha Sadar Police Station hapoh ki kyndon ka NDPS Act.
