Shillong, Nailar 26 : Ka kynhun Anti-Narcotics Task Force (ANTF) ka East Jaintia Hills District, kala ioh kem ia 2 ngut ki briew kynthup ia uwei u snar nongkhaii droks na Shillong bad ioh kurup bun bah u Heroin, na ka shnong Umkiang.
Ka ANTF kala ioh kurup 11 tylli ki synduk thep sabon ba la buh ia u droks Heroin uba khia 137.86 gram na ka met jongu Hajrat Umar 28 snem ka rta, uba shong basah ha Kaliachak, West Bengal. Ia une la ioh kem ha ka jingpynap shrip jong ka Umkiang Police Patrol Post, ong ki pulit.
Hadien kane, ki pulit kila ioh kem ruh ia u briew uba la tip kyrteng kum u Phulchand Ali, u snar nongkhaii droks uba na Lum Survey, Shillong, uba donkti ruh ha kaban khaii droks na kawei ka jylla sha kawei pat.
La rejistar case hapoh jongka Lumshnong Police Station hapoh jongka NDPS Act bad ka jingtohkit mynta ka dang iaid shakhmat ban tih bniah ia katei ka rukom khaii be-aiñ bad ban lap ia ka tyllong jong ka rukom khaii tuh ia u Heroin.
 ka East Jaintia Hills District, kala ioh kem ia 2 ngut ki briew kynthup ia uwei u snar nongkhaii droks na Shillong bad ioh kurup bun bah u Heroin, na ka shnong Umkiang.){kind=link}