Nongpoh, Nailur 25: Kawei ka bos night super kala kem ding bad pluh hadien ka jingiatynrah bad ka thuk thuk ha ka miet sngi Balang ha Nongpoh marjan ka Civil Hospital.
La iathuh ba ha kane ka jingjia, u nongniah jong ka thuk thuk ba don u nombor ML05-Y-3698, u bym pat lah ban ithuh, ula iap hashen bad ing ha kane ka jingkem ding ka bos kaba don u nombor AS01GC-3288.
Kat kum ka jingiathuh ki Pulit, ka jingjia kala jia na ka daw jong ka thuk thuk kaba iaid sha ka liang ka bym dei (wrong side), kaba la leit ban tynrah beit beit ia kane ka bos na ki bynta ba shakhmat.
Ki kali pynlip ding kila wan poi ha kane ka jaka ba aksiden ban pynlip ia ka ding. Ki Pulit kila register case halor kane ka jingjia bad ka jingtohkit kala iaid shakhmat.
Ia ka khubor ba kham bniah yn sa pynmih kham hadien.
