Shillong, K’lyngkot 27 : U President ka BJP Meghalaya Bah Ernest Mawrie ula kynthoh baka Chairperson ka AITC Mamata Banerjee ka dei kaba “kyrshan Nong Bangladesh” bad ong ba ki paidbah ka Meghalaya kin nym pdiang ia kane ka Party kaba dei na West Bengal.
U Bah Ernest ula kynnoh ruh baka Sorkar TMC ba ialam da ka Mamata ka dei kaba bamsap tam hapoh ka ri India.
U Bah Erenst ula thalain ia kane ka Nongialam ka AITC bad kynnoh ba u Khliehduh ka BJP Narendra Modi u dei u “Nongwei” bad ba ka BJP ka dei ka “Nongwei”.
“Kumno phi lah ban ong ba u Myntri Rangbah Duh ka Ri u dei u Nongwei, lada long ha kane ka rukom ka (Mamata) ka dang kham long ‘Nongwei” ban ia u” ula ong.
U Bah Ernest ula ther ruh ia ka We Card ka TMC da kaba ong ba kane ka skhim kala pulom shaba palat liam ha West Bengal. “Ki paidbah ha Meghalaya kin ym ngop ha kane ka shrip kaba la pulom ha West Bengal” ula ong.
Haba iaroh ia u (L) Purno A Sangma, u Bah Ernest ula ong “U (L) Purno ula jop ia ka elekshon ha kato ka por kam dei namar baka shap jong ka party hynrei namar ka jinglong jong u shimet. Ki paid Garo kila ithuh ia u kum u Nongialam ym ia ka party…ta ka daw, ula thaw iala ka jong ka party, ka NPP bad u (Purno) khlem neh slem bad ka TMC”.
