Shillong, May 9: Ka Board of Cricket Control in India (BCCI) kala pynsangeh shuwa ia ka aiom lehkai Indian Premier Leaque 2025-ka ban treikam shi taiew namar ka jingkynad bad ka jingkyan ka thma hapdeng ka India bad Pakistan.
Hadien ka jingpynsangeh noh shwa ia kane ka jingialehkai, bun kila phaikhmat ia kaei kaban jia ia ki jingialehkai kiba dang sah jong kane ka lympung iakob ialehkai.
Lano yn bteng biang ia ka IPL 2025?
Ka BCCI kam shym la pynbna ia ka tarik na ka bynta ban pynialehkai biang ia ka
IPL 2025. Ha ka kyrwoh khubor, ka Board kala ong, “Ba ki tarik na ka bynta ki jingialehkai kiba dang sah bad ia ki jingpynkylla ia ki jaka ban ialehkai, yn sa pynbha noh shen hi”. Ka jingshim ia ka rai kan long hadien ka jingkhmih bniah ia ka jinglong jingman ryngkat bad ka jingiasyllok bad ki bor kiba dei khmih bad baroh kiba donbyntalang”. Kane kan kynthup ia ka jingioh ia ki jingtip na ka sorkar pdeng bad sorkar jylla, ki bor ai jingiada, ki trai jong ki kynhun ialehkai, ki nongpyni bad ki nongbei tyngka.
Sa katno tylli ki jingiakhun ka IPL 2025 ki dang sah?
Ha ka IPL 2025 kin don 70 tylli ki jingiakhun bad 4 tylli ha ka Playoff kaba kynthup ia ka Final. Haduh mynta la dep ban pynlong haduh 58 tylli ki jingiakhun kaba kynthup ia ka jingialehkai hapdeng ka Punjab Kings (PBKS) bad ka Delhi Capitals (DC), ia kaba la pynsangeh noh shiteng ha Dharamsala namar ka jingbym don ia ka jingshngain na ka jingther namding bad ki Drone da ka Pakistan.
Kaba sah mynta kadei sa 12 tylli ki jingiakhun bad 4 tylli ki Playoff kiba kynthup ia ka Qualifier 1, Eliminator, Qualifier 2 bad ka Final kiba dang sah ban pynlong.
Hato lah ne em ban nang pynjlan ia ka jingpynsangeh ialehkai?
Hooid ka lah ban long. Ka jingpynsangeh mynta ka long na ka bynta shi taiew bad lada ka jingiakynad ka dang jur hapdeng India bad Pakistan, ka BCCI ka lah ban pynsangeh shwa. Kano kano ka jingjur jong ka jingiakynad, ka jingiather mar kylliang ne ka National Emergency ka lah ban pynbor ban pynjlan ia ka jingpynlong ia kane ka jingiakob na ka por kaba la buh. Kiba donbynta lang ha ka kam kila long kiba husiar ban khmih bniah ia ka jinglong jingman ha ki thain khappud bad ia ka jingsngew jong ki paidbah hashwa ban shim ia kano kano ka rai.
Balei ba long kongsan ban pyndep ia ka IPL ha u Jymmang?
Ka kynhun ialehkai Cricket ka ri India kan hap ban iakhun 5 tylli ki jingialehkai ha ka Test series ha England kaban sdang ha ka 25 tarik u Jylliew 2025. Donkam ban ai por ruh ia ki nongialehkai ba kin pynkhreh bad ban leit sha katei ka ri. Ka BCCI ka kwah ba ia ka IPL dei ban pyndep noh hapoh jong u bnai Jymmang ne kaba slem eh ha ka taiew kaba nyngkong jong u bnai Jylliew. Ka jingpynslem palat ban ia kane ym tang ba kan buh ha ka jingeh ia ki nongialehkai ha kaba iadei bad ka bormet ka jongki bad ia ki jingpynbiang baroh kiba lah ban ktah jingkular jong ka ri.
Kiei kiwei pat ki lynti lada ym lah pynlong kloi ia ka ILP?
Lada ia kane ka jingiakhun ym.lah ban pynlong noh ha u bnai Jymmang ne Jylliew, ka samoi ban pyndep ia ka jingialehkai ia ka IPL 2025 kan dei ha u Nailar bad Nailur. Kane kadei ka por kaba ka India ka lah ban pynlong lada ka rai ban pynkynriah noh shwa ia ka tarik ban leit ialehkai sha ri Bangladesh ha u Nailar, ia kaba mynta ka jingiakren halor kane ka dang iaid shakhmat.
Nalor kane ka don ruh ka jongartatien la ka Asia Cup, kaba la thmu ban pynlong ha u Nailur kan long katkum.ka por kaba la pynbeit. La ia kane ka Tournament dei ban pynkyriah ne ban pynsangeh noh, ka BCCI ka lah ban pyndonkam ia katei ka por ban py dep ia ka IPL jong kane ka samoi kaba mynta.
 kala pynsangeh shuwa ia ka aiom lehkai Indian Premier Leaque 2025-ka ban treikam shi taiew namar ka jingkynad bad ka jingkyan ka thma hapdeng ka India bad Pakistan.){kind=link}