Shillong, Nailur 22: U Myntri ka Tnad Pule Puthi ma Lahkmen Rymbui hynne ka sngi palei ula ong ba ka Sorkar Jylla kan ym khot satia ia ki nonghikai contract kiba pynlong jingiakhih sha ka miej jingiakren.
“Kam don jingmut ban khot iakren ia ki namar ki kam baroh kila dep lut. Kumba nga la dep ong teng, ka dei ka policy jong ka Sorkar bad ka sorkar kam lah ban phaidien nala ka jong ka policy” ula ong haba iakren bad ki nongthoh khubor.
Ki Nonghikai Contract kiba don hapoh ka lama jong ka Meghalaya Government Lower Primary Contractual Teachers’ Association (MGLPCTA) kila pynlong ia ka jingiakhih da kaba shah thngan khlem pud mynta la 14 sngi ban dawa ia ka Sorkar ba kan thung biang ia ki ha ka kam.
Palat 800 ngut ki Nonghikai kila shah weng na ka kam hadien ba kim shym la pass ia ka Meghalaya Teacher’s Eligibility Test (MTET).
