Shillong, K’lyngkot 08 : U President ka Meghalaya Pradesh Congress Committee (MPCC) Bah Vincent H Pala, ula pynrem ia ka Sorkar MDA ba ialam da ka NPP bad kyrshan ka BJP namar ka jingbym lah ban tehlakam ia ka shongsuk shongsain, haba kdew ia ka jingpynbthei bomb IED dang shen ha Dhar Construction Company ha East Jaintia Hills da ka seng Hynniewtrep National Liberation Council (HNLC).
“Nga tharai ka HNLC kala dep wan shakhmat ban iapynbeit hynrei kynsan kynsan kala weng noh ialade. Nga sngew ba kane ka dei ka jingbym ler ka Sorkar” ong u Bah Pala.
U Bah Pala ula ban jur ba ka jingbym lah ka Sorkar ban leh eiei halor ki jingdawa ka HNLC kala lam sha ka jingkut noh ka jingiakren iasuk.
“Lada ki (HNLC) lah ban thombor ia ka jaka u Symyntri Rangbah, kaei ka ban jia ia ki riew paidbah? Phi pyrkhat ma phi. Kumta, kane baroh ka dei ka jingbym ler treikam ka Sorkar” ula bynrap.
Haba kam trei ia ka jingpynbthei bomb IED ha Shymplong, EJH ha ka 15 tarik Nohprah, ka HNLC kala kynnoh ba kala pyn kylla sohpdung ia ki nongkynti kiba dei jong u Symbud Myntri Rangbah Bah Sniawbhalang Dhar hadien ba kyntait ban siew ia ka jingdawa pisa ka seng.
Haba kyli ia ka jingsngew halor ka jingdawa ka HNLC ban map noh ia ki kam bymman baroh, u Bah Pala ula ong “Ka Sorkar ka dei ban pynlong ia kano kano ka jingiakren ha ka jaka ka jingia umsnam. Nga ialade nga kyrshan ia ka jingiakren. Ki dei ban iashong lang bad iakren”.
U Bah Pala ula ai nuksa ia ki jingjop ka jingiakren iasuk kum ka NSCN bad ULFA, bad ban jur iaka jingkongsan ka jingiakren ban pynbeit ia ki jingiakynad baroh.
 Bah Vincent H Pala, ula pynrem ia ka Sorkar MDA ba ialam da ka NPP bad kyrshan ka BJP namar ka jingbym lah ban tehlakam ia ka shongsuk shongsain, haba kdew ia ka jingpynbthei bomb IED dang shen ha Dhar Construction Company ha East Jaintia Hills da ka seng Hynniewtrep National Liberation Council (HNLC).){kind=link}