Shillong, Nohprah 04 : U Myntri ka Ministry ka Development of North Eastern Region (DoNER) Jyotiraditya M Scindia ula pynpaw ba ki project ka Sohra Circuit ha Meghalaya bad ka Matabari Circuit ha Tripura kin dei ki project ki ban kyntiew bun bun shah ia ki kam jngohkai pyrthei ha ka thain Shatei Lam Mihngi haba pyntip ba ia kine ki project la pyntrei shuwa kum ka jingpyrshang (pilot).
Ula pyntip ba ia u mawnongrim jong ka Sohra Circuit ha Meghalaya lah dei ban buh katba ka Matabari Circuit ha Tripura ka dang ap ia ka jingmynjur. Ula pyntip ia kane haba pyniaid ia ka Consultative Committee jong ka Ministry of DoNER ba long ha ka 3 tarik Nohprah ha Parliament House Annexe.
Nalor ka jingpynkhlain ia ki jingtei, kine ki tourist circuit project kin pynleit jingmut bha halor ka jingsei ia ki briew kiba tbit ka sap trei khnang ban pynthikna ia ka jingdon ki nongtrei kiba tbit ban kyrshan ia ka jingroi ka kam jngohkai bad ka jingsngewtynnad jong ki nongwankai, ula bynrap.
Shuwa kane, u Scindia ula pdiang ia ki dkhot jong ka Committee na Lok Sabha bad Rajya Sabha bad ong ba kane ka jingia lang jong ka Committee ka dei ka bynta ba kongsan eh ha ka jingiakren kaba iai bteng halor ka jingkynshew bad ka roi ka par jong ki Jylla ka thain Shatei Lam Mihngi.
Haba niew ia ka PM-DevIne (Prime Minister’s Development Initiative for North East Region) kum ka skhim ba kongsan bha jong ka Ministry, u Scindia ula pyntip ba ia kane ka skhim la pynrung ha ka mang tyngka ka ri ha u snem 2022-23.
Kane ka skhim ka don ia ka mang tyngka ba T.6600 klur na ka bynta u snem 2022-2023 haduh 2025-2026. Kat haduh ka 31 tarik Risaw 2025, haduh 44 tylli ki project ba shongdot T.5,700 klur la dep ban pyllait. Lai tylli na kine ki project ba kot T.176 klur la dep ban pyntrei bad 41 tylli ki project ba kot T.5,500 klur ki dang iaid shaid shaid. Nalor kane, ki don ruh ki project ba kot T.111 klur kiba la dep ban ai jingmynjur bad ki project ba T.625 klur kiba dang pynkhreh.
U Scindia ula pyntip ruh ba ki Ophisar n aka MDoNER bad ka North Eastern Council (NEC) ruh ki hap ban leit jngoh ia kine ki project, nalor ka jingshim jingkhein da ki kynhun ba lai khnang ban pynthikna ia ka jingkhuid ha ka jingpyntreikam ia ki project.
 Jyotiraditya M Scindia ula pynpaw ba ki project ka Sohra Circuit ha Meghalaya bad ka Matabari Circuit ha Tripura kin dei ki project ki ban kyntiew bun bun shah ia ki kam jngohkai pyrthei ha ka thain Shatei Lam Mihngi haba pyntip ba ia kine ki project la pyntrei shuwa kum ka jingpyrshang (pilot).){kind=link}