Shillong, Risaw 17: U MP ka Rajya Sabha u Dr WR Kharlukhi hynne ka sngi Thohdieng ula ong ba ka jingai jingiarap lyngba ka Members of Parliament Local Area Development (MPLAD) Scheme kam dei ia ka ban shim ba kadei ka jingleh sbun hynrei ka dei ka jingkitkhlieh bad ka kamram jong u nongmihkhmat paidbah sha ka jingkiew jong ka pule puthi hapoh ka Constituency.
U MP ula kren ia kane ha ka jingplie ia ka kamra pule thymmai jong ka College of Teacher Education (PGT) Shillong kaba la bei tyngka da ka MPLAD Scheme 2024–2025.
Kane ka project, kadei kaba la bhah lyngba ka sienjam kaba la shim da u Dr WR Kharlukhi ka long ka dak jongka jingdon shuh shuh ia ki jingtei da ka jingthmu ban kyntiew ia ka jinglong jingman ha ka pule puthi na ka bynta ka lawei jong ki nonghikai kiban sa wan bad ban pynneh pynsah ia ka jingkiew jong ka jaka pule.
U Dr Kharlukhi ula iaroh ia ka College kaba la bteng ia ka jingtrei shitom ban ai jinghikai ia ki nonghikai bad kaj ingnoh synniang sha ka imlang sahlang lyngba ka jingai ia ka jingpynkhreh kaba paka ia ki nonghikai.
Haba banjur ia ka jingkongsan ban pyniar ia ka jaka pule, u Dr Kharlukhi ula kyntu ia ki bor pyniaid jong ka College ban leit iakynduh ia u Myntri Rangbah ka jylla ban ioh jingkyrshan shuh shuh ban pynkhlain ia ki jingtei bad ki prokram kiban iaid ryngkat bad ki jingdonkam ha ka pule puthi.
Ka Dr Bahunlang Tron, haba ai jingkren kala pynpaw iaka jingsngewnguh ia u Dr Kharlukhi bad pynpaw ia ka jingiengskhem ka jingiohi jngai jongka College ban don ia ki jingpule ki bapher bapher kiba la don ia ki tiar kiba kongsan ban pyntreikam pura ia ki kyndon jongka National Education Policy (NEP) 2020.
Kala pynpaw ruh ba ki jingeh kiba mad ha ka jingthmu ban wanrah ia ka jingkylla ia ki jingdon jingem bad ki jingtei bad kala kyrpad ban ioh iaka jingiatreilang na ka sorkar bad kiwei kiwei kiba donbynta lang ha ka kam iarap ha kaban pynurlong ia katei ka jingkylla.
U Bah WL Lyngdoh, President jongka Governing Body, ula pynpaw ia ki juh ki jingsngew bad banjur ba ha kane ka jinglong jingman kaba mynta, ki jaka pule jong ki nonghikai kidei ban pdiang ia ki bynta ki bapher bapher kumba la maitphang ha ka NEP 2020.
Ula pynpaw ba ka jingdon ia ka jingiatreilang kaba ioh ia ka jingkyrshan hapdeng ki nongmihkhmat paidbah bad ki jaka pule kan lah ban long kum ka nuksa ban pynneh pynsah bad ban kyntiew ia ka pule puthi ha ka jylla.
 Scheme kam dei ia ka ban shim ba kadei ka jingleh sbun hynrei ka dei ka jingkitkhlieh bad ka kamram jong u nongmihkhmat paidbah sha ka jingkiew jong ka pule puthi hapoh ka Constituency.){kind=link}