Shillong, K’lyngkot 30 : U Myntri Rangbah Conrad K Sangma ula niew ia ka jingshah tuh ka shynrong u mrad ka juk bym pat don jingthoh jingtar (prehistoric) na Tolegre, South Garo Hills, ka dei kaba sngewsih bad kaba sngewkhia shibun.
Ula ong ba ka jaka ba lap ia kine ki shynrong mrad ka dei jong ki Nokma bad ki Aking, kaba buh ha ka jingeh ia ka Sorkar Jylla ba kan tuklar.
“Ngi la mad ia ki jingtynjuh ha ka por ba sdang ban tih namar kane ka jaka ka hap ha ka jingkhmih ki Khlieh Nongsynshar. Ka long kaba eh shibun ia ka Sorkar ban shimti ia kane ka jaka, naba kane kan lam sha ka jingkynnoh ba kurup jubor ia ka jaka. Namar kata, ngi la shu ai noh tang ka jingpahara, pyrrkhing ia ka rung ka mih bad kyrpad ia ki trai shnong ba kin ym pynthut ia kane ka jaka tad hadien ba la wan ki kynhun ka Geological Survey” ula ong.
Ula kubur ba hadien ka jingshimkhia ban pahara ia kane ka jaka, ka Sorkar kam shym la khmih lynti ba kum kine ki jingjia kin wan jia.
“Ngim shym khmih lynti satia, lada kren hok, ba kum kine ki jingjia kin jia. Hynrei kila jia.
Ia ka ejahar la dep ban ujor bad ka jingtohkit mynta kala iaid shakhmat. Ngi kyrmen ba ki Pulit kin sa lah ban kurup biang ia kine ki shynrong ba shah tuh bad ban ithuh ia ki briew kiba donkti” bynrap u Myntri Rangbah.
U Conrad ula kulr ruh ba ka Geological Survey of India (GSI) kan nang bteng ban tih bad wad bniah ha kane ka jaka.
“Nga sngew ba ngim dei ban sangeh noh hangne. Ki lah ban dang don bun ki shynrong ha ka thain bad kane ka jaka ka lah ban ai ia ki jingtip saian kiba shongdor bha. Ka kynhun Geological Survey of India kan iai bteng ban trei iaka kam. Nga kyrmen ruh ba, hadien kane ka jingjia, ki nongshongshnongkin shah ia ka Sorkar Jylla ban kan pawkhmat bha hangtei”.
 na Tolegre, South Garo Hills, ka dei kaba sngewsih bad kaba sngewkhia shibun.){kind=link}