Shillong, Rymphang 20 : U Myntri ka Tnad Public Health Engineering (PHE) Marcuise N Marak ha ka sngi Ba-ar ula ong ba ka jingpyntreikam ia ka Jal Jeevan Mission (JJM) ha Meghalaya ka long kaba itynnad shisha, da ka jingnang kiew ha ka jingdon ki longiing bala ioh kor um ha ki jaka Nongkyndong kaba long naka 4550 (0.7%) sha ka 4,85,927 (74.60%).
Hynrei, ban kynjoh ia kane ka thong kam shym la long kaba suk khlem ki jingtynjuh kiba bun khamtam eh ha ka liang ka jinglum jingkhein bad ai jingtip, ong u Marak haba jubab ia ka short duration discussion bala wanrah da u MLA ka VPP na North Shillong Bah Adelbert Nongrum ha Iingdorbar Thaw Ain.
Ula ong ba ka kam ban lum jingtip bad pynrung kyrteng ia ki jingtip ba bniah jong palat shi million ki longiing ha baroh ka Jylla bala ioh ia ka JJM,ka dei ka kam kaba bam por bad ka bym lah ban leh ia ka jingbunkam ki nongtrei nalor ka jingdon kam ban pynshisha da kaba pyndonkam ia ki Aadhar Card lane Voter ID kaba la nang pynjyrwit jyrwat.
Nalor kane, ka jingkyntait jong ki briew ban ai ia ki jingtip ba shimet kala nang pynsyllang shuh shuh ia ka kam, ha kaba don ki khep la hap pan ia ki jingiarap na ki dkhot jong ka Village Water & Sanitation Committee (VWSC).
Pule lang ia kane: Ka jingpyntreikam ia ka JJM ha Meghalaya ka long kaba shai bha : Marcuise
Peit lang ia kane
