Shillong, Risaw 16: U Trai jong ka ïing ba pluh ha Thana Road u Amit Singhania, ula ong ba kam shym la don atia kano kano ka jingleh khnang ban thang hi ia katei ka ïing haba pynshai ba kane ka iing kam dei ruh kaba la buh ‘Insurance’ kumba la mih ki jingkynnoh.
Kiba bun kila pynpaw ia ka jingartatien ba ka jingpluh jong kane ka Iing u Amit Singhania ka dei kaba ing namar ka aksiden ne jingbakla haba suba jur ba lehse ka lah ban dei ka jingthang hi tang ban ioh kam insurance.
Halor kane, u Amit Singhania ula ong, “Na ka bynta kito baroh ki “Well Wishers” ba ha kum kane ka khyllipmat jong ka jingsngewkthang ki don iaka por ban pyrkhat ia katei, ngim dei ban don ia kum katei ka rukom pyrkhat.Phi lah ban khmih bniah ia ka Account ka jong nga ngam don Insurance bad ngan ym leh hi kumtei”.
Ula ong, ba katei ka jingpluh ding kala pynsynjor ia ka iing kumta kam long shuh kaba shngaiñ bad kala donkam ban pynpra noh syndon hynrei ia kane ka jingpynpra yn sa leh tad haduh ban da la pyndep ia baroh ki jingtohkit.
Haba kylli, u Amit ula ong “Ngam tip satia ha kano ka dur katei ka jingpluh kala sdang namar ba umshim la don ha ïing hynrei ula ioh jingtip na u Kpa ia kaei kaba jia”
Ula pynpaw iaka jingsngewsih ba uwei na ki nongtrei uba la sahkut hapoh bad ula khlad ha katei ka jingjia namar ka jingring mynsiem da ka tdem.
La sakhi ruh ba hynne ka sngi ki pulit pynlip ding haduh ka por mynsngi, ki dang bteng ban lied ia ki bynta kiba sah ha katei ka ing kaba dang mih ka tdem bad kila bteng iaka jingkynshait da ka um ban pynthikna ba ka ding kala lip lut.
Pule lang ia kane: Hiar jurip ka Myntri ia ka Wellness Centre ha Nongmynsong, kyntu ban peitngor ia u droks
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
