Ampati, Naiwieng 17: U Myntri Rangbah ka Jylla Conrad K Sangma hynne ka sngi palei ula ong ba ka sorkar Jylla lyngba ka jingwanrah ia ki prokram bapher bapher, kala pyrshang ban wanrah ia ki jingkylla ha ka jingim jong ki paid nongshongshnong.
Ula pynpaw ia kane haba kren ha ka jingialang ba kynthup ia ki nongioh skhim FOCUS Plus, Progress, Yess Meghalaya bad SHG kaba long ha Rangatari, South Garo Hills.
“Ka Sorkar jong ngi, ka dang iai kut jingmut ban shimkhia ia ka bha ka miat jong ki paid nongrep bad lyngba ka Focus bad kiwei kiwei ki skhim, ngi la pyrshang ban ai ka jingiarap kaba bun duh sha ki” ong u Myntri Rangbah.
“Ki prokram jong ki nongrep ba ngi wanrah kala ai jingmyntoi ia 4.5 lak ngut ki briew. Ha ka sorkar bala leit noh, ym shym la don satia ia kum kine ki prokram kiba dei na ka bynta ka bha ka miat jong ki nongrep” ula bynrap.
Haba pyntip baka Focus bad Focus plus ka dei ka prokram ba heh duh jong ki nongrep ha ka thain Shatei Lam Mihngi, u Myntri Rangbah ula ong “ Ngi la buh thong ba uwei u briew na man ki longiing kin ioh T. 5000 ha kine ki 10 snem banwan bad ngi la kut jingmut ba pynthikna ia kane”.
Halor ka jingpynsaphriang khubor lamler ba ka Focus ka dei ka ram, u Myntri Rangbah ula ong “Ka pisa jong ka Focus kam dei satia ka ram hynrei ka jingkyrshan pisa bala ai sha ki nongrep jong ka Jylla”.
U Myntri Rangbah ula pyntip ha kane ka jingialang ba ka sorkar kala mang T. 450 klur ban pyntreikam ia ka Focus hapoh ka Jylla.
Ula pyntip ruh ba haduh mynta, ka Sorkar kala dep ban sam haduh T. 200 klur na ka Focus bad Focus plus sha ki paid nongrep jong ka Jylla.
Our schemes for the grassroots people is aimed at improving their livelihoods.
Through FOCUS & FOCUS+ we have released a total of ₹200 Crores to our farmers and we aim to continue this program for the next 10 years. @nstomar @AgriGoI pic.twitter.com/J4RaUeSXDY
— Conrad Sangma (@SangmaConrad) November 17, 2022
“Ka jingjop jong kane ka prokram kan shong ha phi” ula ong haba ban jur ba ki nongioh jingmyntoi ki dei ban pyndonkam bha ia kane ka pisa na ka bynta ka jingdonkam jong ka kynhun.
Haba pynpaw b aka Focus ka dei ka prokram bapher bha kaba la ai jingmyntoi beit beit ia ki nongrep, u Myntri Rangbah ula ong ba ki riew khwai myntoi kim dei ban leh politics ia kane ka prokram.
“Kane kan wanrah ia ka jingkylla ha ka jingim jong ki briew. Kane ka prokam ka dei eh naka bynta ban wanrah ia ka bha ka miat bad ki jingmyntoi ia ki briew lajong” ula ong.
