Nongpoh, Naitung 23 : Ka Dorbar Shnong Pahamsyiem, Nongpoh, Ri-Bhoi District, kala pynbna ban pynsangeh noh ia ka jingpyn iakhalai lucky draw ba thmu ban pynlong ha ka 24 tarik Naitung namar ka jingkynnoh leh shutia ki nongdie tiket.
Ia kane la pynbna da u Rangbah Shnong ka Pahamsyiem Bah Jetwin Lyngdoh hynne ka sngi Balang.
Haba iakren bad ki nongthoh khubor, u Rangbah Shnong ula pyntip ba ka daw ba pynsangeh ia kane ka khalai lucky draw ka dei namar ba don ki briew kiba shim ia ki tiket ban pyndie, ki khlwm an pynphai ia ki tiket bala dep die ne ki receipt ynda dei ka por ban lum ia ki.
U Bah Jetwin ula ong ba ka jingbym ioh lum lut ia ki receipt bala dep die, kala buh ha ka jingeh bad ka jingbym sngew iahap ia ka Dorbar Shnong ban pyniakhalai ia katei ka lucky draw . “Namar kane, ngim banse ban pynbna paidbah noh bala hap ban pynsangeh ia kane ka jingpyn khalai lucky draw” ula ong.
U Bah Jetwin ula pyntip ba kito kiba la thied ia ki tiket kim dei satia ban khuslai namar ka Dorbar Shnong kan sa pynphai lut ia ki pisa jong ki.
Hynrei ula kyntu pat ba kito kiba la thied tiket, kim dei satia ban bret noh ia ki tiket namar kin hap ban wanrah ia ki ban pynshisha ha ka por ba ki wan ban shim ia ka pisa.
U pyntip ba ia ka tarik ban pynphai ia ka pisa, yn sa pynbna lyngba ki lad pathai khubor.
