Shillong, Nohprah 12: U MLA ka South Shillong Constituency u Bah Sanbor Shullai hynne ka sngi Baar, ula pynlong ia ka jingjurip ha ka shnong Lower Lumparing na ka bynta ban tei ia ka Urban Primary Health Centre ha ka jinglut jingsep kaba kot T.4 Klur 99 Lak.
Haba ai jingkren ha ka jingialang, u Bah Sanbor Shullai ula ai khublei ia ka Dorbar Shnong kaba la ai ei iaka jaka ban tei iaka Urban Primary Health Center na ka bynta ka jingmyntoi jong ki nongshong shnong katei ka thaiñ ba kin ioh iaka jingsumar haba ki pang ki shitom.
Ula ong, ba ki kam ki jam kila sdang ban iaid shakhamt naka bynta ban tei ia ka kane ka jaka sumar ha ka jinglut jingsep kaba kot T.4 Klur 99 Lak ia kaba la mang da ka Tnad ka Koit ka Khiah jong ka sorkar jylla.
U MLA ula ong, ba la ai por 30 bnai ia u kontraktor ban tei pyndep ia katei ka jaka sumar kaba don ruh 10 jingthiah ban ai jingsumar ia ki nongpang khnang ba kan long ka jingkyrkhu ia ki paidbah kiba sah ha katei ka thaiñ bad haka constituency hi baroh kawei.
Na ka liang ki nongialam shnong kiba la ai jingkren kila pynpaw iaka jingsngewnguh ia u MLA uba la shimkhia ban wanrah ia ki kam pynroi bapher ha ka constituency na ka bynta ka bit ka biang jong u paidbah.
Ha katei ka jingjurip la iadonlang ka DMHO Dr S.Lyngdoh, u Rangbah Shnong ka Lower Lumparing u Bah Doncaster Shabong, u Rangbah Shnong ka Upper Lumparing u Bah HB Wahlang, u Rangbah Shnong ka Riat Laban Kynjat Phutbol Bah Shaiphar Wahlang bad kiwei kiwei.
