Shillong, Nohprah 16 : U Myntri ka Tnad Pule Puthi Rakkam A Sangma ula kyntu ia ka seng Hindu Kutumba Surakshya Parishad (KSP) ba kan sngewthuh bad burom lem ia ka jingsngew jong ki trai shnong haba jubab ia ka jingaipor ba 10 sngi ia ka Sorkar ban plie biang ia ka krem Mawjymbuin ban ialehniam ki Hindu.
Ka KSP kala byrngem ba lada ka Sorkar kam plie noh ia kane ka jaka leh niam hashuwa ka Khristmas, kane ka seng kan pakhang ia ki surok ba kongsan sha Meghalaya ba kynthup ha Jorabat (Guwahati) bad Paikan (Goalpara).
Kane ka kynhun kala kynnoh ruh ia ka Sorkar Jylla ba kam shym la leh eiei halor ki jingbthah jong ka Iingkashari Meghalaya High Court ban pynbeit ia kane ka kam lyngba ka jingiakren bad ki kynhun bapher bapher.
Haba jubab ia kane ka jingaipor, u Myntri ula ban jur ia ka jingkongsan ban burom ia ka jingsngew jong ki trai shnong. Ula ai nuksa da kaba ong “Lada ngi don ka Jingiaseng hajan ka Ram Mandir, hakhmat jong ki hi, kan ym itynnad satia. Ki dei ban sngewthuh ia ki kam shnong kam thoh bad ki jingsngew ki trai shnong. Lada ki wah ban bud ia ka hok ban mane
laitluid, ngi dei ban leh ia kaei kaba ngi kren. Kaei kaba jia ha Assam, ngi tip bha”.
U Rakkam ula pynrem ia ka jingbyrngem ka KSP ban pakhang ia ki surok bad buh jingkylli ia ka jingthmu jong kane ka kynhun bad ka jingngeit niam jong ki. “Ka jngthmu jong ka niam ka dei ban mane ia u Blei ban ioh ia ka jingsuk bad jingshongsain ia baroh ki briew, ki shnong bad ka Jylla. Kine ki kynhun ki byrngem ia kum kane ka kam, kin dei sati aka jingmane ba shisha ia kino kino ki Blei. Nga artatien ia kane” ula kynthoh.
Ula bynrap “Kino kino ki paid Hindu ba mane Blei shisha kin ym byrngem kumne, bad nga don ka jingartatien ia ki. Kane ka long kaba sngewsh bad kam dei ban jia. Kim dei ban phah ia ka khubor kaba bakla”.
Ka kynrum kynram halor ka krem Mawjymbuin ha Mawsynram, kaba jngai kumba 60 km na Shillong, kala iaid mynta la katto katne bnai. Kane ka krem ka don ia u mawshun uba ki Hindu ki ngeit ba u dei u Blei Shiva. Hynrei, naduh ka 6 tarik Nailar 2024, ka Dorbar Shnong ka Mawsynram kala khang ia ka jinglehniam hapoh kane ka krem da kaba kdew ia ki daw bapher bapher.
Kane ka kam kala poi ruh sha ka jingbishar jong ka Iingkashari Meghalaya High Court, kaba la bthah ia ka Sorkar Jylla ba kan iakren bad ki kynhun bapher bapher ha kaban iapynbeit ia ka kam.
 ba kan sngewduh bad burom lem ia ka jingsngew jong ki trai shnong haba jubab ia ka jingaipor ba 10 sngi ia ka Sorkar ban plie biang ia ka krem Mawjymbuin ban ialehniam ki Hindu.){kind=link}