Shillong, Iaiong 15: U President ka Voice of the People Party (VPP) bad MLA ka Nongkrem Bah Ardent Miller Basiawmoit, ha ka sngi Nyngkong, ula ujor ejahar pyrshah ia u MDC barim ka Umsning, Bah Donkupar Sumer namar ka jingkynnoh bamsap ha ka por ba long Chief Executive Member (CEM) ka Khasi Hills Autonomous District Council (KHADC).
U Bah Ardent ula leit ujor ia ka ejahar hakhmat u Officer In-charge ka Sadar Police Station, Shillong.
Kat kum ka ejahar, u Bah Ardent ula ong ba u Bah Donkupar Sumer ula kynnoh ba ula pyndonkam bakla ia ka song pisa mynba u (Ardent) dang long u CEM ka KHADC, kaba la paw naka videi bala ring ia ka jingkren jong u bad pyni ha ka news channel myn ha ka 13 tarik Iaiong.
Haba khein ia kane ka jingkynnoh bamsap kaba thoh, ka khlem nongrim bad ka bym dei, une u Khliehduh ka VPP ula ong “ Da kum kine ki jingkren hapoh ki rynsan paidbah, ka dei ka jingkynthoh pyrshah ia ka burom ka ijot ia nga uba dei u Nongmihkhmat paidbah ka Meghalaya Legislative Assembly bad lah ban kdew ba kum kine ki jingkren ki dei kba la leh da ka jingthmu ban pynthohbria, pynjah burom bad pynsaphriang jingtip ba lamler sha u paidbah”.
“Kane ka jingkynnoh ka dei kaba khring ia ka kam bymman hapoh ka kyndon 499 bad kiwei ki kyndon ba don jingiadei jong ka Indian Penal Code, 1860. Namar kane, ngi kyrpad ia phi ban leh eiei kat kum ki lynti ka ain” ula ong ha ka ejahar.
 bad MLA ka Nongkrem Bah Ardent Miller Basiawmoit, ha ka sngi Nyngkong, ula ujor ejahar pyrshah ia u MDC barim ka Umsning, Bah Donkupar Sumer namar ka jingkynnoh bamsap ha ka por ba long Chief Executive Member (CEM) ka Khasi Hills Autonomous District Council (KHADC).){kind=link}