Shillong, Iaiong 08: Ka samla Twinklely Grace Iawrod naka shnong Kynbah Malai Mawsynram, kala jop iaka khusnam ‘Best Performance’ haka jingiakop India Talent Fight haka liang jingiakop rwai.
Haba kren sha ki lad pathai khubor, ka SamlaTwinklely kala ai ka jingiaroh iaka All Meghalaya Dancer Association (AMDA) kaba la ai ka jingkyrshan ba kan leit shim bynta ha ka Talent Fight haka liang jingiakop rwai.
Ka Samla Twinklely kala iathuh ba iaka Talent Fight la pynlong hapoh ka Jylla Uttarkhand bad kane ka jingiakop kala plie lad iaka ban sei iala ka sap ban rwai.
Kala iathuh ba haka Final jong ka India Talent Fight, kala wan ba saw napdeng ki 7000 ngut tam ki nongiakop na kylleng ki Jylla ka Ri India hynrei kala ioh pat iaka khusnam ‘Best Performance’.
“Nga ai khublei ruh ia u Bah Prestone Tynsong, ka Kong Ampareen Lyngdoh, u Bah Alvin Sawkmie bad baroh kito kiba la synniang ia nga ban leit shim bynta haka India Talent Fight ha kaba nga la ioh ka khusnam ‘Best Performance’” la ong ka Samla Twinklely.
