Guwahati, Risaw 12 : Ha ka jingjia ba sngewsih, ka Kmie bad ka Khun kiba dei na Tinsukia District, kila iap ha ka jingkylla ka rel North East Express ha Boxar District, Bihar hynnin ka miet sngi Balang.
Haba thoh ha X, u Myntri Rangbah ka Assam Himanta Biswa Sarma ula pynpaw ia ka jingsngewlem halor ka jingkhlad noh kine ki arngut kiba dei na Tinsukia District, kiba wan na Delhi da ka rel 12506.
Kine ki shikmie shikun kiba iap ki dei kiba la tip kyrteng ka Usha Bhandari ba 33 snem bad ka Khun Aakriti ba dang 8 snem. Ki dei ki nongshongshnong ka Sadiya kaba hap ha Tinsukia District.
“Hynne ka sngi por 6 baje mynsteo, nga ioh ia ka jingtip ba sngewsih. Ka hynmen jong ka Usha Bhandari bad I Khun kynthei ba dang 8 snem Aakriti Bhandari kila iap na ka jingkylla ka rel. U kong kynsi jong ngi Deepak Bhandari ula iawan ryngkat bad ki bad ula shitom jur bad don ha ka jingsumar” ong ka para jong kane kaba iap.
Ka rel ba kyrpang ba kit palat 1000 ngut ki passenger kala mih na Danapur Railway Station ha ka por 5 baje mynstep bad la khmih lynti ba kan poi ha Kamakhya Railway Station ha ka por 11 baje mynmiet. Haduh 540 ngut ki passenger ki dei kiba na Assam.
Ha kajuh ka por, ia ki passenger kiba la sahkut na ka jingkylla kane ka rel, la wan ialam noh sha Guwahati Assam da ka rel ba leit ai jingiarap. La khmih lynti ba kine ki paasenger kin wan poi ha Kamakhya Station ha ka por 11 baje mynmiet.
Pule lang ia kane: Khlem lei lei ki Passenger kiba dei na North East! Ong ka NF railway halor ka jingkylla ka rel
