Guwahati, Risaw 12: U Chief Public Relation Officer (CPRO) ka NF Railway Sabyasachi De, ha ka sngi Palei, ula pyntip ba baroh ki passenger kiba dei na ka thain Shatei Lam Mihngi, ki khlem lei lei satia ha ka jingkylla ka rel ha Boxar District ka Bihar hynnin ka miet sngi Balang.
Haba iakren bad ki nongthoh khubor,u Sabyasachi De ula ong “Baroh ki passenger ka NE ki khlem lei lei. Ka rel ba kyrpang ba kit palat 1000 ngut ki briew kala mih na Danapur Railway Station ha ka por 5 baje mynstep bad la khmih lynti ba kan poi ha Kamakhya Railway Station ha ka por 11 baje janmiet. Haduh 540 ngut ki dei na Assam bad baroh kine kim shym la mynsaw jur satia. Kiba iap ki dei na Delhi bad Bihar”.
“Don katto katne kiba la shah sumar ha hospital hynrei ngim shym la ioh jingtip lut shaphang jong ki. Hadien ba ngi ioh ngin sa ai ia ki jingtip” ula ong.
Ka Indian Railways kala pynbna ia ka song jingiarap pisa ba T. 10 lak sha ki bahaiing jong ki 4 ngut kiba ba iap bad T. 2.5 lak sha kiba mynsaw bad T. 50 hajar sha kiba mynsaw malu mala.
Kane ka ral North East Express kala kylla ha ka por 9:50 baje mynmiet. La iathuh ba napdeng ki 21 tylli ki coach, saw tylli kila shah ktah jur.
 ka NF Railway Sabyasachi De, ha ka sngi Palei, ula pyntip ba baroh ki passenger kiba dei na ka thain Shatei Lam Mihngi, ki khlem lei lei satia ha ka jingkylla ka rel ha Boxar District ka Bihar hynnin ka miet sngi Balang.){kind=link}