Shillong, Naitung 24: Ka Jaiñtia Hills Truck Owners Association (JHTOA) ha ka sngi saitjaiñ kala pynlong iaka jingialang jong ka Execcutive Meeting ha shnong Phramer West Jaiñtia Hills bad ha katei ka jingialang la pynbna ruh ia ki nongkitkam bathymmai jong ka seng.
U Bah Biangshwa Shylla u President bathymmai ka JHTOA u la ong, ka seng kan buddien ia ki mat jingdawa kiba dang sahteng kiba ka sorkar ka dei ban pyntreikam ha kaba iadei bad ka dor jong ka jingkit iaki mar ki mata khamtam ia u Cement bad Clinker ha ka jylla, kaba ym shim la pyntreikam ha kine ki snem kiba la dep da ki karkhana pynmihdewbilat.
U la ong, ruh ba kino kino ki riewshimet kiba don ia ki trok ha rilum Jaintia ki lah ban pyniasoh ialade bad ban long ki dkhot jong ka JHTOA.
U Bah Shylla u la pyntip ruh ia ki nongkitkam bathymmai jong ka JHTOA kiba kynthup ia u kum u President, Vice President u bah Bikin Paslein, Chairman u Bah Working Ryngkhlem, General Secretary u Bah Suiam, Asst Secretary bah Beterborn Sungoh,
Treasurer u bah Showmiwell Kyndait, Publicity Secretary u Bah M Tyngkan, Adviser Bah Pyrkhat Shylla bad la jied ruh ia ki 11 ngut kum ki Executive Member.
