Shillong, Aug 8: Ka Meghalaya Cricket Association (MCA), lyngba ka Selection Committee kaba shipor, kala jied ia ki 25 ngut ki shynrnag kiban kiban iashimbynta ha ka U-19 Men jongka BCCI naka bynta u snem 2024-25.
La jied iaki rangialehkai katkum ka jingialehkai bha ka jongki ha ki jingiakob ka BCCI kaba la long ha u snem 2023-24 bad dang shen ha ka jingialehkai ban jied iaki nongialehkai kaba la long dang shen ha Jagiroad, Assam.
Kane ka kynhun jongka U-19 Men’s kan iashimbynta ha ki artylli ki jingiakob ialehkai kaba kynthup iaka Vinoo Mankad Trophy (kaba shi sngi) bad ka Cooch Behar Trophy (kaba bun sngi).
Ha u snem 2023-24, ka Cooch Behar Trophy kadei ka lympung iakob ialehkai kaba ka kynhun jong ka jylla kala ialehkai bha ha kaba ka Meghalaya kala ioh rung sha ka Final jongka Plate Group bad kala wan baar ne kum ka Runners Up.
Mynta ka kynti, ka Vinoo Mankad Trophy kan long ha u bnai Risaw bad hadien kane yn sa bud pat sa ka Cooch Behar Trophy ha u Naiwieng – Nohprah.
Ka MCA kan sa pynlong ia ka Selection ryngkat ka Preparatory Camp hashwa ban sdang ka U-19 Tournament shi bnai shwa ka por ba kan sdang bad la bthah ia ki nongialehkai ba kidei ban long kiba bit ba biang ha ka jingialehkai bad ha ka jingioh jinghikai bad ban pyntip ia ka jinglong jingman ka jongki sha ka MCA.
progress.
Ki nongialehkai ka MCA U-19 Men jong u snem 2024-25:
Gaurav Jyoti Thakuria, Rohit Sharma, Angkit Tamang, Pushkar Raj Singh, Chengsrang S Marak, Rudra Singh Rathor, Grish Raj Ray, Gaurav Narleng, Manthan Gupta, Jhon Venny, Nangkhamkhraw Pathaw, Bikash Yadav, Kshitij Singhania, Aashish K Lohar, Ashish Prasad, Dipankar Barua, Salchang Sangma, Shavian Blah, Apandanka R Marak, Kishlay Vishlux, Dipayan Nandi, Manthan Dey, Shubham Rasaily, Jarrett M Wanniang bad u Heiyomiki Ryngkhlem.
, lyngba ka Selection Committee kaba shipor, kala jied ia ki 25 ngut ki shynrnag kiban kiban iashimbynta ha ka U-19 Men jongka BCCI naka bynta u snem 2024-25.){kind=link}