Nongpoh, Nailar 08: Ki Pulit ka Ri-Bhoi District, hynne ka janmiet sngi Palei, kila ioh kem ia arngut ki nongkhaii droks kiba dei ki nongshongshnong ka Them Metor, Shillong.
Ia kine ki nongkhaii droks la ioh ban kem ha ka por 3:45 baje na Shangbangla Petrol Pump, Ri-Bhoi.
Kine ki arngut ki kyrteng u Peter Lamare ba 31 snem bad u Vikash Masih ba 29 snem. Ha ka jingtalasi ia ka scooty ba ki shong, kaba don u nombor ML05-T-2927, ki Pulit kila ioh kurup ia saw tylli ki synduk sabon kiba don u droks ba khia 46.14 gram.
Ia kine ki arngut la register case ha Nongpoh Police Station bad la pynngat hapoh ka kyndon NDPS Act. Ka jingtohkit mynta kala iaid shakhmat ban lap ia ka jaka ba ki ioh bad ka jaka ba kin pynpoi ia une u droks.
